Наш зямляк — у ліку найлепшых! Сяргей Леанавец прызнаны «Чалавекам Справы — 2026»

Дэпутат Палаты прадстаўнікоў Нацыянальнага сходу Рэспублікі Беларусь Аляксандр Вячорка і старшыня Давыд-Гарадоцкага гарвыканкама Вячаслаў Стаднік прынялі ўдзел у цырымоніі ўзнагароджвання лаўрэатаў рэспубліканскага конкурсу «Чалавек Справы — 2026».


Пераможцам у намінацыі «За гібкае спалучэнне прадпрымальніцкай актыўнасці і сацыяльнай місіі ў беларускай глыбінцы» стаў наш зямляк — дырэктар Давыд-Гарадоцкага хлебазавода (філіяла ААТ «Бярэсцейскі пекар») Сяргей Леанавец.


💬 «Гэта перамога — вынік сістэмнай працы, высокай працаздольнасці і прафесіяналізму ўсяго калектыву. Эфектыўная праца такіх прадпрыемстваў у рэгіёнах стварае трывалы падмурак для эканомікі ўсёй краіны», — адзначыў Аляксандр Вячорка.