ВЕДАЙ НАШЫХ! Вікторыя – пераможца

IMG_20190502_140226_1Навучэнка Столінскага дзяржаўнага аграрна-эканамічнага каледжа Вікторыя Ваўрынюк стала пераможцай абласной алімпіяды па прававых ведах.
Вікторыя вучыцца ў групе Ю-52 і зараз ужо рыхтуецца да дзяржаўных экзаменаў. Яна – актывістка, без якой не абыходзіцца ні адно мерапрыемства ў каледжы. Дзяўчына пастаянна ўдзельнічае ў конкурсах, алімпіядах і становіцца іх пераможцамі. Вось і першае месца ў абласной алімпіядзе – гэта яшчэ адно пацвярджэнне ведаў і навыкаў Вікторыі.
Дзяўчыне падабаецца будучая прафесія юрыста. Далей плануе працягнуць навучанне ў Брэсцкім дзяржаўным універсітэце імя Пушкіна па сваёй спецыяльнасці.
– Перад алімпіядай я, канешне, хвалявалася. Але ўзяла сябе ў рукі і сканцэнтравалася. У выніку выканала ўсе заданні раней чым за дзве адве-дзеныя гадзіны. У сабе была ўпэўнена. Бо мяне рыхтавалі добрыя педагогі, у каледжы я атрымала веды, якія дапамогуць мне ў далейшай маёй дзейнасці, – расказала Вікторыя.
А калі вы хочаце гэтак жа, як Вікторыя, ісці да сваёй мэты, стаць дыпламаваным юрыстам, то паступіць у Столінскі аграрна-эканамічны каледж пасля 11 класаў можна на спецыяльнасць “Правазнаўства”, здаўшы ЦТ па беларускай ці рускай мове і грамадазнаўстве. А для жадаючых стаць юрыстамі пасля дзявятага класа патрэбен толькі атэстат аб базавай адукацыі.
Таццяна
СЕГЕН